Tschertgar offertas
*
Tut ils champs cun * ston vegnir emplenids.

Inditgai Voss numer postal per che nus chattian ils servetschs adattads per Vus.

Bainvegni tar la Pro Senectute Grischun

La Pro Senectute è la pli gronda organisaziun privata senza finamira da profit en servetsch da las persunas attempadas en Svizra. En il Grischun è ella activa dapi l'onn 1919. La finamira suprema da la Pro Senectute Grischun è da promover l'independenza e la qualitad da viver en la vegliadetgna. Per cuntanscher questa finamira s'engaschan en l'entir Chantun passa 20 collavuraturas e collavuraturs spezialisads e var 500 persunas che lavuran a temp parzial, persunas che lavuran gratuitamain e sin basa voluntara. Per var 50% vegn la Pro Senectute Grischun sustegnida dal maun public. Sco organisaziun privata è ella dentant er obligada da realisar chapital a moda autonoma. Sper la vendita da servetschs èn las collecziuns d'atun, mailings, donaziuns e legats las funtaunas d'entrada privatas las pli impurtantas da la Pro Senectute Grischun. Tut las entradas vegnan impundidas a favur da la populaziun attempada. La Pro Senectute Grischun vul prestar lavur raschunaivla che s'orientescha tenor ils basegns da las persunas attempadas e da lur parentella. Perquai sviluppain nus cuntinuadamain nossas offertas ed iniziain adina puspè novs servetschs. Quai custa temp e daners. Per quest motiv essan nus dependents da Vossas donaziuns. Cun Vossas contribuziuns sustegnais Vus noss projects a favur da las persunas attempadas en il chantun Grischun.

 

Noss conto 70-850-8